.
ताज्या घडामोडी Current Affairs

कोलवेरि डी – कां! हा जीवघेणा राग? प्रिये!(Kolaveri De – Why this murderous rage dear?)


16 नोव्हेंबर 2011 ला तमिळ चित्रपट सृष्टीतील दोन बडे कलाकार रजनीकांत व कमलहसन यांच्या कन्यका ऐश्वर्या व श्रुती यांचा सहभाग असलेल्या ‘थ्री’ या तमिळ चित्रपटातील एक गाणे ध्वनीमुद्रित केले जात असतानाचा व्हिडिओ, यू-ट्यूब या संकेतस्थळावरून प्रसिद्ध करण्यात आला. सोसाट्याच्या वार्‍याने जशी आग काही क्षणात भडकावी तसा हा व्हिडिओ आंतरजालावर प्रसरत गेला व ऐकणार्‍यांना त्याचे वेड लागल्यासारखे झाले. पुढच्या 5 दिवसात हे गाणे 10000 लोकांनी फेसबूक वर शेअर केले. मागच्या दोन आठवड्यात य़ू-ट्यूबवरून हे गाणे ऐकणार्‍यांची संख्या 1 कोटीचा आकडा पार करून गेली. वावटळीसारख्या पसरलेल्या गाण्याची दखल विकिपिडिया ला सुद्धा घ्यावी लागली आहे.

आंतरजालावरच्या या झंझावाताबद्दल येणारे उल्लेख मी वाचत होतो. परंतु माझ्या संगणकाच्या ध्वनीमुद्रण कौशल्यात काहीतरी बिघाड झाल्याने मला ते गाणे काही ऐकता आले नव्हते. परवा रात्री साडेदहा वाजता एका बातम्या देणार्‍या टी.व्ही. वाहिनीवर हा व्हिडियो मी प्रथम ऐकला. हे गाणे तमिळ असले तरी त्यातले बहुतेक शब्द तमिळ ढंगाने उच्चारलेले इंग्रजी शब्द आहेत. ग्लास, व्हाइट, ब्लॅक या सारखे शब्द ज्या पद्धतीने उच्चारले आहेत ते लिहिणे खरोखरच कठिण आहे. ते प्रत्यक्षात ऐकायला पाहिजेत इंग्रजीत कदाचित glaaase, whaaite, blaacke असे हे उच्चार थोड्याफार प्रमाणात लिहिता येणे शक्य व्हावे. गाण्याला फारसा काही अर्थ आहे असे मला तरी ते ऐकून वाटले नाही. पण तो कार्यक्रम संपल्यावर त्या गाण्याची चाल माझ्या ओठावर आपोआप जाऊन बसली आहे हे माझ्या लक्षात आल्यावाचून राहिले नाही. या गाण्याला दिलेले संगीत खरे तर त्याचा प्राण आहे. अतिशय सोपे पण हॉ न्टिंग असे संगीत या गाण्याचा संगीत दिग्दर्शक अनिरुद्ध रविचंदर याने या गाण्याला दिले आहे. गाण्याचा ताल तर अफलातूनच आहे.
गाण्याचे शीर्षक कोलवेरि डी म्हणजे प्रिये! का हा जीवघेणा राग? असे असले तरी ते शीर्षक व गाण्यातील इतर शब्द यांचा कसा मेळ घालायचा ते मला तरी कळले नाही. पण जे काही रसायन या संगीत दिग्दर्शकाने बनवले आहे. व रजनीकांतचे जामात ‘धानुष’ यांनी गाऊन सादर केले आहे त्याने आंतरजालावर तर लोकांना वेड लावले आहेच पण चित्रपट क्षेत्रातील मान्यवरांनीही या गाण्याचे कौतुकच केले आहे. प्रेमामधे अयशस्वी ठरलेल्या एका तरूणाच्या तोंडी हे गाणे असल्याने त्यात एकूण वैफल्याचे बरेच स्वर आहेत. तरीही या गाण्याची चाल अशी अफलातून आहे की त्यात कोणतेही शब्द घातले तरी चालेल. आता हे गाणे कोणते उच्चांक मोडते ते पाहायचे.
एक गोष्ट मात्र सत्य आहे की गेले दोन दिवस मी हेच गाणे गुणगुणतो आहे. प्रिये! का हा जीवघेणा राग?, कोलवरि डी?
4 डिसेंबर 2011
Advertisements

About chandrashekhara

I am a retired electronics engineer. I am interested in writing, reading books. Other hobbies include Paper models, wooden fret work and social networking.

चर्चा

7 thoughts on “कोलवेरि डी – कां! हा जीवघेणा राग? प्रिये!(Kolaveri De – Why this murderous rage dear?)

  1. atishay faltu aani bakwaas gaane aahe te…
    lokanna aajkaal kaay aikayla aawadel te sangta yene kathin aahe….

    eke kaali kon HIMESH RESHAMIYAA NAAMAK maanasache gaane dokyawaar ghet hote.. tyaat suddha tyache kahi chhan gaani hotich….

    1. kolaveri Di gaane LIKES ani HITS COUNTER wadhnyaa maage nusti public chi aawaad aahe ashatla bhaag naahi… SONY company ne PROFESSIONAL BRAIN POWER marketing ya maage laawli aahe..

    almost 70 wegweglyaa internetwar kaam karanarya companies ya maage aahet publicity marketing professionally karanyaasathi help karayla ya companya madat kartaat..!!

    2. SUNNY LEON naamak professional adult star bharataat yete ani atishay faltu ashya eka karyakramaat bhaag ghete aani bharatiya lok mitakyaa maarit sahakutumb te pahato …YALA KAAY MHANAWE..???
    Ghor kaliyug..?
    Vikrutpana, heen vrutti ki public la aawadate mhanun aamhi deto ase nirlajj mahiti..?

    Tar ashya kaalat te gaane femas hone yaat gair te kaay..?

    Posted by SAADHAMAANUS | डिसेंबर 12, 2011, 2:25 pm
    • साधा माणूस –

      कोलवेरि डी या गाण्या विषयीची तुमची मते आग्रहाने मांडणार्‍या तुमच्या प्रतिसादासाठी धन्यवाद.

      Posted by chandrashekhara | डिसेंबर 13, 2011, 7:57 सकाळी
    • Its just a fun song. very catchy. Just enjoy.
      Its a craze.. which will fade away with time. Here nobody is claiming that it its a masterpiece or will become a classic.

      If you don’t like it just don’t listen. You may want to listen Bhimsen Joshi only.

      But its a guarantee that if you listen to it for 2/3 times you would start humming it.

      Not all people are intelectuals like you who enjoy appying brains not heart.

      Posted by Srinivas | डिसेंबर 15, 2011, 9:37 सकाळी
  2. mi tamil chitrapat paahto ,mala te khoop awadtaat.surya shivkumaar,dhanush,vijay,simbu,rajnikanth,vikram,prabhudeva,raghva lawrence ase na jano kititari stars mala awadtaat.tamil films khoop energetic ani aplya maticha sugandh tyat asto.gaani tar vichrayla nakot mala te khoop awadtaat .kolavaridi he gaane dekhil tyatlech ek.aaplya marathi jananaa mahit nasel pan ase khoop singers aahet jyanni marathi sangita tun prerna gheun tamil madhe gani banavli.vijay anthoni ha suddha tyatla ek. mala mahit naahi pan mi lahan pana pasunach tamil madhe ruchi aahe ,kahi vela tar mije tamil chitrapat pahaycho tyatli ganynchi chaal kuthe tari aaiklya sarkhi vataychi , 2008 madhe sun picters dvaare ‘padikathvan’ navchi film aali hoti ,tyat dhanush,thamanna hote tyatla ek gaan ‘raanki rangamma’ mala jaam awadta,te ‘pada la piklay aamba hya ganyachya chaali var banavla gela hota.tasech mala malyalam films suddha awadtaat mamoothi,mohanlal tasech new star prithviraaj pan awadto.khoop sare malyalam films tar maharashtratach shoot zalya ani hotaat.southern films madhe mala koutumbik prem janavte

    Posted by sumeet agale | जून 16, 2012, 3:08 pm
    • सुमीत आगले –

      दाक्षिणात्य चित्रपटांबद्दलची तुमची माहिती अगदी नवीन आहे.प्रतिसादासाठी धन्यवाद.

      Posted by chandrashekhara | जून 16, 2012, 4:21 pm
  3. moonu (3) film ajun hit karnya sathi ti telugu madhe sudha dubb keli geli hoti pan mala dubbed films awadat nahit,tya original bhashetach changlya vattaat

    Posted by sumeet agale | जून 16, 2012, 3:40 pm

प्रतिक्रिया व्यक्त करा

Fill in your details below or click an icon to log in:

WordPress.com Logo

You are commenting using your WordPress.com account. Log Out / बदला )

Twitter picture

You are commenting using your Twitter account. Log Out / बदला )

Facebook photo

You are commenting using your Facebook account. Log Out / बदला )

Google+ photo

You are commenting using your Google+ account. Log Out / बदला )

Connecting to %s

नुकतीच प्रकाशित केलेली ब्लॉगपोस्ट्स

जुने लेख शोधा

Enter your email address to subscribe to this blog and receive notifications of new posts by email.

Join 385 other followers

MyFreeCopyright.com Registered & Protected

माझे नवीन इ-पुस्तक

एका साम्राज्याच्या शोधात

%d bloggers like this: