.
Health- आरोग्य

सुदृढ बालकाचा विमा? शक्य नाही!


जगामधले सर्वात जास्त लठ्ठ लोक बहुदा अमेरिकेत असावेत. सर्वसाधारण अमेरिकन हा इतर देशांतील लोकांच्या मानाने चांगलाच धष्टपुष्ट वाटतो. या धष्टपुष्टपणाचे लठ्ठपणात रूपांतर व्हायला फारसा वेळ लागत नसावा. सर्वदूर पसरलेल्या या लठ्ठपणामुळे, अमेरिकेतील विमा व्यवसाय, कोणताही व्यक्तीचा विमा उतरताना, तो अतीलठ्ठ तर नाही ना! याची बरीच काळजी घेतात. अमेरिकेत वैद्यकीय सेवा प्रचंड महाग आहे व वैद्यकीय विमा नसला तर रोग्याची तब्येत जसजशी सुधारत जाते तसतशी त्याची आर्थिक परिस्थिती मात्र खालावत जाते. यामुळे वैद्यकीय विमा हा अतिशय आवश्यक मानला जातो. लहान बाळांच्या बाबतीत तर हा विमा अत्यावश्यकच ठरतो.

कोणतीही गोष्ट, अचरटासारखी अगदी टोकाला नेण्यात, अमेरिकन लोकांसारख्याच त्यांच्या कंपन्या व व्यवसाय प्रसिद्धच आहेत. विमा कंपन्यासुद्धा या नियमाला अपवाद नाहीत हे त्यांनी नुकतेच दाखवून दिले आहे.

जगभर, नवजात अर्भकांची पहिली तीन चार वर्षे, सर्व बाबतीतील प्रगती व्यवस्थित होते आहे की नाही हे पडताळून बघण्यासाठी काही मानदंड वैद्यकीय व्यवसायाने स्वीकारले आहेत. या मानदंडात बालकाचे वजन, उंची, डोक्याचा घेर वगैरे सारखी मोजमापे पण लक्षात घेतली जातात. असंख्य बालकांच्या घेतलेल्या अशा मोजमापांच्यावरून तौलनिक तक्ते तयार केलेले असतात. या तौलनिक तक्त्यांमधे साधारण (Average)बालकाची ऊंची, डोक्याचा घेर व त्याचे वजन यांचे आलेख दिलेले असतात. या साधारण

बालकाच्या तुलनेत आपल्या बालकाचे मोजमाप किती कमी किंवा जास्त आहे हे टक्केवारी क्रमांकाने (Percentile Rank) सांगितले जाते. साधारण बालकाची ही टक्केवारी 50 % असते. आपल्या बालकाची टक्केवारी 25 % टक्क्यापेक्षा खाली असली तर आपले बालक कमी वजनाचे, उंचीचे किंवा कमी डोक्याच्या घेराचे समजतात. त्याचप्रमाणे 75% पेक्षा जास्त टक्केवारी असली तर ते बालक जास्त उंच किंवा वजनाचे समजतात.

BABYALEX

अमेरिकेतील ग्रॅन्ड जंक्शन या गावात रहाणारे बर्नी व केली लांग हे असेच सर्व साधारण अमेरिकन जोडपे आहे. 4 महिन्यापूर्वी त्यांच्या अलेक्स या मुलाचा जन्म झाला तेंव्हा त्याचे वजन सर्वसाधारण बालकांप्रमाणेच सव्वा आठ पौंड एवढे होते. चार महिन्यानंतर फक्त आईच्या दुधावर वाढत असलेल्या अलेक्सचे वजन 17 पौंड झाले आहे व त्याची ऊंची 25 इंच झाली आहे. बघणार्‍याला, अलेक्स हा अतिशय निरोगी, गुटगुटीत व गालाला खळ्या पडणारा एक मुलगा दिसतो.

या मुलाचा विमा उतरवण्यास विमा कंपनीने साफ नकार दिला आहे. त्यांच्या मते या मुलाचा तौलनिक क्रमांक 99% येतो आहे. म्हणजे तो अतीलठ्ठ आहे. अलेक्सचे आई-वडील व मोठा भाऊ अगदी किडकिडीत आहेत. विमा कंपन्यांच्या या अचरटामुळे लांग जोडपे वैतागून गेले आहे. “मी काय अलेक्सला ट्रेड मिल वर पळायला सांगू का?” त्याचे वडील विचारतात. तर आई म्हणते की “चार महिन्याच्या मुलाला मी काही ऍट्किन्स डाएट वर ठेवू शकत नाही.  तो रडला की मी त्याला पाहिजे तेवढे दूध हे देणारच”

अलेक्सचे डॉक्टर त्याला अगदी उत्तम आरोग्य असलेले बालक मानतात. वैतागून गेलेल्या लांग जोडप्याने आता विमा कंपन्याच्या नियंत्रकाकडे आपली तक्रार नोंदवली आहे.

16 ऑक्टोबर 2009

Advertisements

About chandrashekhara

I am a retired electronics engineer. I am interested in writing, reading books. Other hobbies include Paper models, wooden fret work and social networking.

चर्चा

2 thoughts on “सुदृढ बालकाचा विमा? शक्य नाही!

  1. तुम्हाला, तुमच्या कुटूंबियांना, मित्रांना, आप्तेष्टांना व नातेवाईकांना, सर्वांनाच ही दिपावली आनंदाची जावो; येणारे वर्ष समृद्धीचे व भरभराटीचे जावो ही सदिच्छा!

    पुन्हा एकदा दिपावलीच्या लाख लाख शुभेच्छा!

    Posted by हेमंत आठल्ये | ऑक्टोबर 16, 2009, 1:35 pm
  2. Chandrashekharji wish you all very happy diwali may god give you inspiration to write on different subject so all all off us will satisfy with your distinguished writing.

    Posted by sunil shinde | ऑक्टोबर 16, 2009, 9:38 pm

प्रतिक्रिया व्यक्त करा

Fill in your details below or click an icon to log in:

WordPress.com Logo

You are commenting using your WordPress.com account. Log Out / बदला )

Twitter picture

You are commenting using your Twitter account. Log Out / बदला )

Facebook photo

You are commenting using your Facebook account. Log Out / बदला )

Google+ photo

You are commenting using your Google+ account. Log Out / बदला )

Connecting to %s

नुकतीच प्रकाशित केलेली ब्लॉगपोस्ट्स

जुने लेख शोधा

Enter your email address to subscribe to this blog and receive notifications of new posts by email.

Join 385 other followers

MyFreeCopyright.com Registered & Protected

माझे नवीन इ-पुस्तक

एका साम्राज्याच्या शोधात

%d bloggers like this: