.
ताज्या घडामोडी Current Affairs

नॅनोची नानी; A Nani for the Nano

Posted by ⋅ ⋅ 2 प्रतिक्रिया
Filed Under  , , , , , , , , ,

टाटा मोटर्स बनवत असलेल्या नॅनो कारला आता खरीखुरी स्पर्धक निर्माण झाली आहे. नॅनो ही गाडी भारतातली सर्वात स्वस्त मोटरगाडी आहे व तिची किंमत 1 ते सव्वा लाख रुपयांच्या घरात आहे. जगात द्वितिय क्रमांकावर असलेले मोटर सायकल उत्पादक बजाज ऑटो लिमिटेड या कंपनीने बनवलेली आपली नवीन कार किंवा ऑटोरिक्षा आज लोकांना प्रदर्शित केली. य़ा कारचे नाव त्यांनी RE 60 असे ठेवले असून या गाडीट असणारे इंजिन 200 सीसी क्षमतेचे, मागच्या बाजूस बसवलेले असणार आहे. या गाडीची इंधनक्षमता 35 ते 40 किमी प्रति लिटर एवढी असून ती जास्तीत जास्त 70 किमी गतीने धावू शकेल.

बजाज ऑटो कंपनीने संपूर्णत: विकसित केलेल्या या गाडीची 4 उतारूंना वाहून नेण्याची क्षमता आहे.बजाज ऑटो कंपनीच्या संचालकांनी घोषणा केली की ही गाडी प्रथम श्रीलंकेमधे भारताच्या आधी विक्रीस ठेवली जाण्याची शक्यता आहे. या गाडीतून उत्सर्जित होणारे प्रदुषण इतके कमी आहे की एका किमीला फक्त 60 ग्रॅम कर्बद्विप्राणिल वायू यातून बाहेर फेकला जातो. ही गाडी पर्यावरणास पूरक व अत्याधुनिक तंत्रज्ञानाने विकसित केली गेली आहे. अतिशय कमी खर्चात ही गाडी कंपनीच्या औरंगाबाद कारखान्यात पुढच्या काही महिन्यात उत्पादित केली जाईल.

 

बजाज ऑटो कंपनीने या गाडीच्या किंमतीची अजून तरी घोषणा केलेली नाही. परंतु टाटा कंपनीच्या नॅनो विक्रीचा मागच्या वर्षातला अनुभव लक्षात घेतला तर गाडीची किंमत हा अजिबातच ऐरणीवरचा मुद्दा नाहीये. नॅनो गाडीची विक्री अपेक्षेपेक्षा खूपच कमी होते आहे. याचे एक प्रमुख कारण असे आहे की ज्यांच्यासाठी ही गाडी विकसित केली गेली होती त्या दुचाकीधारकांनी आपली दुचाकी काढून त्या जागी नॅनो चौचाकी आणण्याचा बदल करण्यास फारशी अनुकुलता दर्शविली नाही. नॅनो आता विकली जाते आहे ती प्रामुख्याने आता दुसरी गाडी म्हणून. या दुसर्‍या गाडीसाठी असलेल्या अनेक विकल्पांत नॅनो हा एक विकल्प आहे असेच आता दिसते.
कदाचित याच कारणामुळे बजाज ऑटो कंपनी त्यांची ही गाडी भारताऐवजी प्रथम श्रीलंकेत विकणार असावेत.
3 जानेवारी 2012

About chandrashekhara

I am a retired electronics engineer. I am interested in writing, reading books. Other hobbies include Paper models, wooden fret work and social networking.

चर्चा

2 प्रतिसाद to “नॅनोची नानी; A Nani for the Nano”

  1. नॅनो किवा ही गाडी मोटरबाईक अथवा स्कूटरला स्पर्धक ठरू शकत नाही याचे कारण ती सिग्नल तोडून पळविता येत नाही.

    Posted by मनोहर | जानेवारी 9, 2012, 11:08 pm
    Reply to this comment

तुमचा अभिप्राय नोंदवा

Fill in your details below or click an icon to log in:

Gravatar
WordPress.com Logo

You are commenting using your WordPress.com account. ( Log Out / बदल )

Twitter picture

You are commenting using your Twitter account. ( Log Out / बदल )

Facebook photo

You are commenting using your Facebook account. ( Log Out / बदल )

रद्द करा

Connecting to %s

Blog Stats

  • 151,315 hits

जुने लेख शोधा

Enter your email address to subscribe to this blog and receive notifications of new posts by email.

Join 95 other followers

MyFreeCopyright.com Registered & Protected
Follow

Get every new post delivered to your Inbox.

Join 95 other followers